पहाटेच्या गारव्यात सुंदरशा धुक्यात
सांग कधी सोबत येशील का
उगाच हातात हाताला गुंफून दोन चार
पावलं चालशील का
बेफान पावसात सरींच्या तडाख्यात
छत्रीत बिलगून चालशील का
अवचित उगवलेल इंद्रधनू पाहून
तुझ्या डोळ्यांची पाखर हसतील का
निळ्या आकाशात पांढरा बगळा
नखावरच्या कवड्या मोजशील का
लालचुटुक चिंचेच आंबट बुटुक
डोळे मिटून स्स म्हणून सुखावशील का
ग्रीष्मात लालभडक फुललेला गुलमोहोर
बघून सांग हरखून जाशील का
चांदण्या रात्रीत आकाशाखाली तारे
मोजत तू सांग निजशील का
जगाला विसरून स्वतःला विसरून
माझ्यासाठी तू कधी असशील का
माझ्याच स्वप्नात तुझ्या स्वप्नांचा
आरसा पाहून हासशील का
हरीश
No comments:
Post a Comment