काही गोष्टी फार खोलात जाऊन तपासू नयेत 

त्यांचे पडसाद आयुष्य हादरवणारे  असतात

गृहीतक बदलू शकतात 

आठवणी जाळू शकतात 

मनामधली कोवळीक संपून जाऊ शकते 

खरच फार खोलात नेहमी जाऊ नये 

एका मोठ्या अंतरामध्ये खूपस काही घडलेलं असत 

काही समजून घेण्यासारखं तर काही न उमजणार 

एका क्षणाला घोर वंचना समोर येऊ शकते 

हाती फुले समजून डोळे उघडेपर्यंत त्याची माती होऊ शकते 

खरच फार खोल डोहात नेहमीच जाऊ नये 

असच सहजी घडेल अन मनाला कवेत घेईल 

अस तर खर कधीच नसत 

अन कधीकधी  आयुष्य माणसांसकट बेमालूम फसवून जात 

आपल आपल्यापाशी राहून जात 

आपल समजून वाटलेलं उकिरड्यावर सापडत 

खरच फार खोल डोहात कुणाच्या डोकावू नये 

फार कोणाला आपल मानू नये 

आपल्याला आपण शिंपल्याप्रमाणे  बंद ठेवावे

खोल खोल मनात मिटून घ्याव 

उबदार आबदार वातावरणात हळूहळू विरघळून जाव 

फार फार आपल कोणालाही मानू  नये 

खोल आपल्याला अथवा कोणाला आपण जाणून  

परत मोडून जाऊ नये 

हरीश