प्रदीर्घ मौनांच्या वाटा 

प्रदीर्घ प्रतिक्षेची उत्तर 

न सोडवता येणारे कूटप्रश्न 

अन तरीही मखमली छायेची अपेक्षा 

ठेवणार मानवी मन 

उगाचच खेळायच्या लुटुपुटूच्या लढाया 

उगाचच मनात दाटून येणार काहूर 

व्यवहारांच्या पातळ्यांवर पदोपदी 

ठोकरल जाणार दुबळ मन 

उत्तरांची अपेक्षा नसलेले मूढ प्रश्न 

त्यात गुंगून जाऊन उगाचच बेचिराख झालेली 

वेडी आशाळभूत आयुष्य 

एखादे स्वप्न अप्राप्य वाटणारे खरे होऊ पहिले 

तर त्याच्या झगझगीत तेजाने येणारे आंधळेपण 

प्रवाहाबरोबर अथक वहात अर्थ न सापडलेली बहुतेक आयुष्य 

अन त्याला सुखासीनता अन वृथा यशांची लटकलेली खोटी तोरण 

भरल्यापोटी सुचणारी नाजूकसाजूक  भाकड व्यवधान 

अन आतून कुरतडणार गप्प बसवलेल मन 

हरीश