रोजच आपण निश्चय करावा
हसरा दिवस घालवायचा
हिरमोड करणाऱ्या क्षुल्लक गोष्टी सोडाव्यात
घोंगावत आलेली अकल्पित वादळ परतवावीत
मनाला खोल झाकून ठेवाव
त्याला फार गोंजारून उदास होऊ नये
रोजच आपण निश्चय करावा
सहवासाच टवटवीत फुल जगाला देऊ कराव
अन जगाकडून घेऊ पहाव
छोट्याशा आनंदाने निर्भेळ हसावं
त्याआड लपलेले आसू घात करू पहातील
त्यांना पराभूत कराव
रोजच आपण निश्चय करावा
आपण देण लागत असतोच खूपस
नात्याचं आयुष्याच जबाबदारयांच
ते पूर्ण करताना एखादी विसाव्याची सावली
मिळाली तर ती गमावू नये
छोटे छोटे आनंद पेरत जावे
आपल्याला आपण शोधत जावे
रोजच आपण निश्चय करावा
शेवटी काय सवय सगळ्याची होते
अन वेळही सगळ्यांची येते
मधल्या या प्रवासात जमतील तेवढ चांदण जमवाव
हात पकडावेत मन जिंकावी
खरोखर म्हणत जाव
कभी पलको पे आसु है ,
कभी लबपे शिकायत है
मगर ऐ जिंदगी फिरभी
मुझे तुझसे मोहोब्बत है !
हरीश
No comments:
Post a Comment