थंड शिरशिरी आणणारी हवा
विस्तीर्ण हिरवीगार कुरण
निळेशार आकाशातले पांढरेशुभ्र ढग
अन सतत मनाला बिलगलेली तुझी आठवण
डोळ्याचे पारणे फिटतील एवढे सृष्टीचे रंग
हिरव्या पिवळ्या लाल पांढर्या छटाच छटा
एकदम सुरु झालेला जणू कसला महोत्सव
अन डोळ्यासमोर येत शांतावणारी
तुझी हसरी प्रतिमा
नवनवी माणस नवनवे अनुभव
नवनव्या चवी अन …
तुझी उत्सुक ,अप्रूपाना सामोर जाऊन
मुग्ध होणारी नजर ……. कशी असेल
याने हसणारा मी
शेवटी आता जगाच्या पाठीवर कुठेही
गेल तरी खात्री असलेली तुझी आठवण
नुसत्याच आठवणीने आश्वासन देणारी
हळुवार आपल्या कुशीत घेऊन शांत करणारी
तुझी आठवण ….
हरीश
No comments:
Post a Comment